Sjóðurinn hefur veitt verðlaun til framúrskarandi starfs í þágu barna frá 2005. Sjá sögu verðlauna ↓
Um sjóðinn
Möguleikar fyrir öll börn
Velferðarsjóður barna var stofnaður árið 2000 af Íslenskri erfðagreiningu og Heilbrigðis- og tryggingamálaráðuneytinu. Allt stofnfjármagn sjóðsins, rúmur hálfur milljarður, kom frá Íslenskri erfðagreiningu.
Markmið sjóðsins er að hlúa að velferð og hagsmunamálum barna á Íslandi, meðal annars, með fjárframlögum til heilbrigðis-, velferðar- og menntamála, og samtaka og félaga á Íslandi sem hafa velferð og lækningar barna að megintilgangi.
Eins og fram kom á stofnfundi sjóðsins: „Sjóðurinn skal stuðla að því að byggja upp barnvænt samfélag. Annars hvers með fjárframlögum til verkefna og hins vegar með samhliða átaki sem stuðlar að samfélagsbreytingum."
Styrkir sjóðsins miða að því að opna börnum möguleika sem annars stæðu þeim ekki til boða eða tengjast þeim áherslum sem sjóðurinn setur hverju sinni.
Stjórn og fagráð sjóðsins
Stjórn
Kári Stefánsson
Stjórnarformaður
Ingibjörg Pálmadóttir
Stjórnarmeðlimur
Kristín Björk Jónsdóttir
Stjórnarmeðlimur · Framkvæmdastjóri
Fagráð
Grétar H. Gunnarsson
Inga Dóra Sigfúsdóttir
Jóhannes Kr. Kristjánsson
Þóra Kristín Ásgeirsdóttir
Barnamenningarverðlaun
Velferðarsjóðurinn hefur veitt Barnamenningarverðlaun frá árinu 2005, til frumkvöðla í starfi með börnum eða framúrskarandi starfi í þágu barna.
2024
Örninn, styrktar- og minningarsjóður hlaut Barnamenningarverðlaun 2024 fyrir framúrskarandi starf í þágu barna og ungmenna sem hafa misst náinn ástvin. Verðlaununum fylgdi 2 milljóna króna styrkur til að styðja við áframhaldandi starfsemi sjóðsins.
2020
Barnastarf SÁÁ hlaut Barnamenningarverðlaun 2020 fyrir mikilvægt starf í þágu barna sem eiga aðstandendur sem glíma við fíknisjúkdóma. Verðlaununum fylgdi 5 milljóna króna styrkur til að efla sálfræðiþjónustu fyrir börnin.
2019
Kvan hlaut Barnamenningarverðlaun 2019 fyrir námskeiðið Verkfærakistuna, sem er ætlað kennurum og öðru fagfólki sem vinnur með börnum. Verðlaununum fylgdi 11,25 milljóna króna styrkur til að niðurgreiða námskeiðið fyrir 300 þátttakendur.
2018
Markús Már Efraím fékk Barnamenningarverðlaun 2018 fyrir ritsmiðjur fyrir börn sem allt að 500 börn hafa sótt. Verðlaununum fylgdi 3,5 milljónir til að starfrækja ókeypis rithöfundaskóla fyrir börn í Gerðubergi. Öll börn máttu skrá sig en börn sem grunnskólarnir töldu að ættu undir högg að sækja voru í forgangi. Markús Már hefur áður fengið eina milljón í styrk til að vera með ritsmiðjur fyrir börn.
2017
Miðstöð foreldra og barna hlaut Barnamenningarverðlaun 2017 fyrir mikilvægt framlag til lífshamingju og fjölskyldna þeirra. Miðstöðin styður foreldra sem eiga við andlega erfiðleika kvíða eða þunglyndi að stríða í aðdraganda og eftir fæðingu barns og eiga erfitt með að tengjast barni sínu. Verðlaununum fylgdi 5 milljóna styrkur til að efla starfsemina.
2016
Þórarinn Tyrfingsson hlaut Barnamenningarverðlaun 2016 fyrir framlag sitt til forvarna og meðferðar á fíknisjúkdómum meðal unglinga á Íslandi og 5 milljóna króna styrk til þess að byrja rannsókn á umfangi og eðli fíkniefnanotkunar unglinga á Íslandi.
2015
Helga Steffensen hlaut Barnamenningarverðlaun Velferðarsjóðs barna fyrir framlag sitt til leiklistar og menningar barna.
2014
Jóhannes Kr. Kristjánsson, blaðamaður, fékk Barnamenningarverðlaun 2014 og 2 milljóna styrk til að ráðstafa í þágu ungmenna sem glíma við fíknivanda.
2012
Ásgeir Haraldsson, yfirlæknir Barnaspítala Hringsins, fékk Barnamenningarverðlaun 2012 fyrir framúrskarandi framlag í þágu velferðar barna og 1.500.000 króna styrk til verkefna á barnaspítalanum.
2011
Helgi Árnason, skólastjóri Rimaskóla, fékk Barnamenningarverðlaun 2011 fyrir ötult starf í þágu skáklistar sem hluta af skólastarfi og einnar milljónar króna styrk. Hrefna Haraldsdóttir, foreldraráðgjafi hjá Sjónarhóli, hlaut Barnamenningarverðlaun 2011 og eina milljón í styrk til að nýta í þágu Sjónarhóls. Stefán Hreiðarsson, forstöðumaður Greiningarstöðvar ríkisins, hlaut Barnamenningarverðlaun 2011 og eina milljón í styrk til að nýta í þágu greiningarstöðvarinnar.
2010
Sveinn Áki Lúðvíksson, formaður Íþróttasambands fatlaðra, hlaut Barnamenningarverðlaun 2010 fyrir öflugt starf í þágu ungmenna. Verðlaununum fylgdi tveggja milljóna króna styrkur til að efla enn frekar starfsemi ÍF.
2009
Þorbjörn Jensson, forstöðumaður Fjölsmiðjunnar, hlaut Barnamenningarverðlaun 2009 fyrir ómetanlegt starf sitt í þágu ungmenna og 3,5 milljóna króna styrk til að efla tónlistardeild Fjölsmiðjunnar.
2008
Jóhanna Sigurðardóttir, félagsmálaráðherra, fékk Barnamenningarverðlaunin 2008 fyrir framlag sitt til barnafjölskyldna á Íslandi.
2007
Margrét Pála Ólafsdóttir, skólastjóri og höfundur Hjallastefnunnar, hlaut Barnamenningarverðlaun 2007 og fjárstyrk til að efla starf Hjallastefnunnar.
2006
Njörður P. Njarðvík, prófessor og rithöfundur, fékk Barnamenningarverðlaun 2006 fyrir ómetanlegt starf til hjálpar munaðarlausum börnum í Afríku. Verðlaununum fylgdu fjórar milljónir króna, til frekari uppbyggingar á heimilum fyrir munaðarlaus börn á vegum hugsjónafélagsins SPES.
2005
Þórunn Björnsdóttir, kórstjóri Barnakórs Kársnesskóla, fékk Barnamenningarverðlaun Velferðarsjóðsins 2005 fyrir framúrskarandi starf í þágu barna. Verðlaununum fylgdi ein milljón króna, til að hljóðrita efni sem kórinn hefur frumflutt.
Fréttir
Nýjasta frá sjóðnum
Hér eru nýjustu fréttirnar af styrkveitingum og verkefnum Velferðarsjóðs barna.
🌱
31. maí 2026 Nýtt
Velferðarsjóður barna styrkir Einstök börn og Rjóðrið
Sjóðurinn veitir 10 milljóna króna styrk til Einstakra barna til að styðja við Drekahóp — faglegt stuðningsúrræði fyrir yngstu börnin og fjölskyldur þeirra.
🏆
10. desember 2024
Barnamenningarverðlaun 2024
Velferðarsjóður barna á Íslandi hefur veitt Erninum, styrktar- og minningarsjóði, Barnamenningarverðlaun 2024 fyrir framúrskarandi starf í þágu barna og ungmenna sem hafa misst ástvin.
✨
28. júní 2024
Nýir styrkir úr Velferðarsjóði barna til mikilvægra verkefna
Velferðarsjóður barna hefur veitt styrki til sex verkefna með það markmið að auka aðgengi barna að mikilvægum stuðningi og bæta lífsskilyrði barna og fjölskyldna þeirra.
💪
17. nóvember 2022
Ekki gefast upp!
Velferðarsjóður barna styrkti verkefnið Ekki Gefast Upp! um 2,8 milljónir. Líkamsrækt fyrir börn og ungmenni sem glíma við andlega vanlíðan og hafa ekki fundið sig í hefðbundnu íþróttastarfi.
🤝
17. nóvember 2022
Flotta fólk fær 3 milljónir
Velferðarsjóður barna veitti þremur milljónum til að styrkja barnastarfið hjá samtökunum Flotta fólk sem aðstoða úkraínskar fjölskyldur á flótta.
🕊️
31. mars 2022
Flóttafólk fékk 5 milljónir á málþingi um barnafátækt
Á málþingi Velferðarsjóðs barna í mars 2022 gaf sjóðurinn fimm milljónir til samtakanna Flóttafólk, sem reka athvarfið Griðastað fyrir flóttafólk frá Úkraínu.
🎤
21. mars 2022
Höfum við efni á barnafátækt?
Málþing Velferðarsjóðs barna haldið til minningar um Valgerði Ólafsdóttur. Rætt var hvað myndi kosta að losa öll börn á Íslandi undan fjárhagsáhyggjum.
🏅
18. desember 2020
Barnamenningarverðlaun 2020 til SÁÁ
Barnastarf SÁÁ fær Barnamenningarverðlaun Velferðarsjóðs barna 2020 ásamt 5 milljóna króna styrk til að efla sálfræðiþjónustu fyrir börn sem eiga aðstandendur sem berjast við fíkn.
🤾
6. ágúst 2020
Björgvin Páll fær styrk til forvarnarstarfs
Velferðarsjóður barna styrkir forvarnarverkefnin Vopnabúrið og Við sem lið sem Björgvin Páll Gústavsson landsliðsmaður í handbolta er að hleypa af stokkunum í grunnskólum í Kópavogi. Styrkurinn nemur 4,8 milljónum króna.
🎓
11. október 2019
Verkfærakista Kvan fær Barnamenningarverðlaunin 2019
Barnamenningarverðlaun Velferðarsjóðs barna 2019 fær Kvan fyrir námskeiðið Verkfærakistuna, sem er ætlað kennurum til að takast á við einelti og börn í erfiðleikum. Verðlaununum fylgdi 11,25 milljóna króna styrkur.
✍️
8. október 2019
Hverfishetja Breiðholts
Markús Már Efraím hlaut Barnamenningarverðlaunin 2018 fyrir baráttu sína fyrir barnamenningarhúsi. Um 40 börn sóttu rithöfundaskólann í Gerðubergi og lásu verk sín upp á Barnamenningarhátíð.
🗣️
1. október 2019
Sjálfstyrking, tjáning og samskiptahæfni
Velferðarsjóður barna veitti um 13 milljónum í að styrkja 200 börn til að sækja námskeið hjá Dale Carnegie á árunum 2016–2018. Mörg þorðu varla að segja nafnið sitt í fyrsta tímanum.
🎓
6. júní 2018
Krakkarnir öðlast framtíðarsýn
Unglingar í Brúarskóla útskrifaðir eftir níu vikna námskeið á vegum Dale Carnegie. Allir fluttu ræðu við athöfnina — samstarf sem Velferðarsjóðurinn styrkti.
🏅
12. desember 2017
Barnamenningarverðlaun Velferðarsjóðs barna 2017
Miðstöð foreldra og barna hlaut verðlaunin fyrir mikilvægt framlag til lífshamingju barna og fjölskyldna þeirra. Hjálparstarf kirkjunnar og Mæðrastyrksnefnd fengu einnig styrki.
🏅
11. janúar 2017
Barnamenningarverðlaun Velferðarsjóðs barna 2016
Þórarinn Tyrfingsson hlaut verðlaunin fyrir framlag sitt til forvarna og meðferðar á fíknisjúkdómum meðal unglinga, ásamt 5 milljóna króna styrk til rannsóknar.
Helga hlaut verðlaunin fyrir framlag sitt til leiklistar og menningar barna. Hún hefur stjórnað Brúðubílnum í 35 ár og frumsýnt 56 leikrit frá 1980.
📰
1. desember 2014
Styrkveitingar 2014
Jóhannes Kr. Kristjánsson fréttamaður hlaut Barnamenningarverðlaunin 2014. Alls veitti sjóðurinn um 35 milljónir í styrki á árinu — þar af 14,5 milljónir til sumardvalar barna í 16 sveitarfélögum.
♟️
9. desember 2013
Styrkveitingar 2013
Helgi Árnason, skólastjóri Rimaskóla, hlaut Barnamenningarverðlaunin 2013 fyrir ötult starf í þágu skáklistar. Alls var 36 milljónum úthlutað á árinu.
🎭
13. febrúar 2012
Listasmiðja Velferðarsjóðs barna
Sjóðurinn rak tilraunaverkefni í leiklistarkennslu í þremur skólum skólaárið 2010–2011 — svar við niðurskurði á skapandi greinum í kjölfar hrunsins.
🏅
7. desember 2011
Úthlutun styrkja í Iðnó 2011
Íþróttafélag fatlaðra hlaut Barnamenningarverðlaunin 2011 og 2 milljóna styrk. Samtals námu styrkir dagsins um 7 milljónum króna.
Saga sjóðsins
25 ár í þjónustu barna
Velferðarsjóður barna var stofnaður 22. janúar árið 2000 af Íslenskri erfðagreiningu og heilbrigðis- og tryggingamálaráðuneytinu. Stofnfundur sjóðsins var í Nesstofu á Seltjarnarnesi. Stofnframlag sjóðsins var gjöf Íslenskrar erfðagreiningar til barna í landinu að upphæð yfir 500 milljónir króna. Á hverju ári er stjórninni heimilt að ráðstafa allt að 12% af uppreiknuðum höfuðstól sjóðsins til ýmissa verkefna sem snerta velferð barna.
Árið 2000 samanstóð stjórn Velferðarsjóðs af þremur aðilum: Bjarna Ármannssyni framkvæmdastjóra, sem jafnframt var formaður og fulltrúi atvinnulífsins; Kára Stefánssyni, forstjóra Íslenskrar erfðagreiningar; og Sólveigu Guðmundsdóttur, lögfræðingi og fulltrúa heilbrigðis- og tryggingamálaráðherra.
Árið 2007 tók Gunnþórunn Jónsdóttir sæti í stjórn í stað Bjarna Ármannssonar og gegndi því til vors 2008. Ný skipulagsskrá fyrir sjóðinn var samþykkt árið 2009 og stjórnin skipuð þremur fulltrúum: Kára Stefánssyni, Valgerði Ólafsdóttur og Ingibjörgu Pálmadóttur. Árið 2022 tók Kristín Björk Jónsdóttir sæti í stjórn sjóðsins.
Fagráð sjóðsins gerir tillögur til stjórnar um úthlutun styrkja og hefur verið skipað allt að sjö fulltrúum. Í fagráðinu sitja Grétar Halldór Gunnarsson, Inga Dóra Sigfúsdóttir, Jóhannes Kr. Kristjánsson og Þóra Kristín Ásgeirsdóttir.
25
ár í þjónustu barna
1,1 ma.
króna úthlutað
~2 ma. á verðlagi 2025
250+
samtök styrkt
8
flokkar verkefna
Í minningu
Valgerður Ólafsdóttir
Framkvæmdastjóri Velferðarsjóðs barna
Valgerður var þroskasálfræðingur og ein af stofnendum Velferðarsjóðs barna. Hún leiddi sjóðinn sem framkvæmdastjóri í meira en tíu ár og beitti sér ötullega fyrir velferð barna á Íslandi.
„Hlutskipti barna hefur átt hug minn allan í 40 ár."
Styrkir eftir flokkum
Smelltu á flokk til að sjá samtök.
Félagsleg þjónusta32% · 328 m.kr.
Menntun og forvarnir26% · 264 m.kr.
Heilbrigðisþjónusta15% · 154 m.kr.
Íþróttir og æskulýðsstarf12% · 120 m.kr.
Sveitarfélög9% · 90 m.kr.
Sjúkdóma- og hagsmunasamtök30 m.kr.
Menning og listir23 m.kr.
Mannréttindi og fjölmenning · 10 m.kr.
Stærstu fjárframlögin
Úrval verkefna sem hafa haft mest áhrif á líf barna á Íslandi.
Menntun og forvarnir
Mentorverkefnið – Vinátta (2001–2015)
~135 m.kr.
Mentorverkefnið Vinátta hófst árið 2001 sem þriggja ára tilrauna- og þróunarverkefni en hélt áfram til ársins 2015 — og var eina verkefnið sem Velferðarsjóðurinn rak sjálfur. Stofnandi þess á Íslandi var Valgerður Ólafsdóttir þroskasálfræðingur, sem kynntist verkefninu í Svíþjóð. Kjarni þess var að háskóla- og framhaldsskólanemar veiti grunnskólabörnum stuðning og hvatningu. Verkefnið tengdi saman þrjú skólastig og var samþætt námi þar sem nemendur öðluðust einingar fyrir að starfa sem mentorar. Börnin fengu tækifæri til að mynda tengsl við þroskaðan einstakling utan fjölskyldu sinnar; oft áttu í hlut börn af erlendum uppruna sem höfðu mikið gagn af því að kynnast lífinu í landinu með þessum hætti.
Heilbrigðisþjónusta
Rjóður – hjúkrunar- og endurhæfingarheimili (frá 2004)
~112 m.kr.
Ingibjörg Pálmadóttir, fyrrverandi heilbrigðismálaráðherra og stjórnarmaður sjóðsins, klippir á borða við opnun Rjóðurs 2004.
Stærsta einstaka fjárframlag sjóðsins er Rjóður, hjúkrunar- og endurhæfingarheimili fyrir langveik og fötluð börn í Kópavogi — fyrsta sinnar tegundar á Íslandi. Heimilið var tekið í notkun 20. mars 2004; Velferðarsjóðurinn sá um uppbyggingu þess en ríkið um reksturinn. Heimilið hýsir 8–10 börn í senn og hefur tvívegis verið stækkað síðan það opnaði. Þar starfar sérhæft starfsfólk og er Rjóður nú hluti af kvenna- og barnaþjónustu Landspítala. Tilgangurinn er að létta undir með fjölskyldum langveikra barna sem eru oft orðnar að þrotum, og veita börnunum endurhæfingu og aðhlynningu eftir þörfum.
Félagsleg þjónusta
Félagsþjónusta sveitarfélaga, Mæðrastyrksnefnd og Hjálparstarf kirkjunnar (frá 2001)
~225 m.kr.
Frá árinu 2001 hefur sjóðurinn styrkt börn sem búa við fátækt með því að veita þeim tækifæri til þátttöku í sumarnámskeiðum og aðgang að nauðsynlegum hlutum — fötum, skólabókum, innanstokksmunir í herbergi, sumardvöl, jólagjafir, fermingafatnaður og sængurvörur. Styrkjum er úthlutað í gegnum félagsþjónustu sveitarfélaga, Hjálparstarf kirkjunnar og Mæðrastyrksnefnd — þeir aðilar sem þekkja þarfirnar best. Markmiðið er að gefa börnunum kost á uppbyggjandi afþreyingu sem örvar félagsþroska þeirra. Þúsundir barna hafa notið framlaganna og hefur ekkert eitt verkefni sjóðsins komið jafn mörgum börnum til góða á jafn skömmum tíma.
Barnamenningarverðlaun
Veitt frá 2005 til frumkvöðla í starfi með börnum eða framúrskarandi starfi í þágu barna.
2024
Örninn, styrktar- og minningarsjóður
Hlaut Barnamenningarverðlaun 2024 fyrir framúrskarandi starf í þágu barna og ungmenna sem hafa misst náinn ástvin. Verðlaununum fylgdi 2 milljóna króna styrkur til að styðja við áframhaldandi starfsemi sjóðsins.
2020
Barnastarf SÁÁ
Hlaut Barnamenningarverðlaun 2020 fyrir mikilvægt starf í þágu barna sem eiga aðstandendur sem glíma við fíknisjúkdóma. Verðlaununum fylgdi 5 milljóna króna styrkur til að efla sálfræðiþjónustu fyrir börnin.
2019
Kvan – Verkfærakistan
Hlaut Barnamenningarverðlaun 2019 fyrir námskeiðið Verkfærakistuna, sem er ætlað kennurum og öðru fagfólki sem vinnur með börnum. Verðlaununum fylgdi 11,25 milljóna króna styrkur til að niðurgreiða námskeiðið fyrir 300 þátttakendur.
2018
Markús Már Efraím
Fékk Barnamenningarverðlaun 2018 fyrir ritsmiðjur fyrir börn sem allt að 500 börn hafa sótt. Verðlaununum fylgdi 3,5 milljónir til að starfrækja ókeypis rithöfundaskóla fyrir börn í Gerðubergi. Öll börn máttu skrá sig en börn sem grunnskólarnir töldu að ættu undir högg að sækja voru í forgangi.
2017
Miðstöð foreldra og barna
Hlaut Barnamenningarverðlaun 2017 fyrir mikilvægt framlag til lífshamingju barna og fjölskyldna þeirra. Miðstöðin styður foreldra sem eiga við andlega erfiðleika í aðdraganda og eftir fæðingu barns og eiga erfitt með að tengjast barni sínu. Verðlaununum fylgdi 5 milljóna styrkur.
2016
Þórarinn Tyrfingsson
Hlaut Barnamenningarverðlaun 2016 fyrir framlag sitt til forvarna og meðferðar á fíknisjúkdómum meðal unglinga á Íslandi og 5 milljóna króna styrk til að hefja rannsókn á umfangi og eðli fíkniefnanotkunar unglinga.
2015
Helga Steffensen
Hlaut Barnamenningarverðlaun Velferðarsjóðs barna fyrir framlag sitt til leiklistar og menningar barna.
2014
Jóhannes Kr. Kristjánsson
Blaðamaður, fékk Barnamenningarverðlaun 2014 og 2 milljóna styrk til að ráðstafa í þágu ungmenna sem glíma við fíknivanda.
2013
Helgi Árnason
Skólastjóri Rimaskóla, hlaut Barnamenningarverðlaun 2013 fyrir ötult starf í þágu skáklistar sem hluta af skólastarfi. Verðlaununum fylgdi ein milljón króna — helmingurinn til skákstarfs í Rimaskóla og helmingurinn til Skákskóla Íslands.
2012
Ásgeir Haraldsson
Yfirlæknir Barnaspítala Hringsins, fékk Barnamenningarverðlaun 2012 fyrir framúrskarandi framlag í þágu velferðar barna og 1.500.000 króna styrk til verkefna á barnaspítalanum.
2011
Íþróttafélag fatlaðra
Sveinn Áki Lúðvíksson formaður tók við Barnamenningarverðlaunum 2011 í Iðnó ásamt 2 milljóna króna styrk til að efla starfsemi félagsins.
Helgi Árnason, skólastjóri Rimaskóla, fékk verðlaunin fyrir starf í þágu skáklistar í skólastarfi. Hrefna Haraldsdóttir, foreldraráðgjafi hjá Sjónarhóli, og Stefán Hreiðarsson, forstöðumaður Greiningarstöðvar ríkisins, fengu verðlaunin einnig. Fylgdi einni milljón króna styrk hverjum.
2010
Sveinn Áki Lúðvíksson
Formaður Íþróttasambands fatlaðra, hlaut Barnamenningarverðlaun 2010 fyrir öflugt starf í þágu ungmenna. Verðlaununum fylgdi tveggja milljóna króna styrkur til að efla starfsemi ÍF.
2009
Þorbjörn Jensson
Forstöðumaður Fjölsmiðjunnar, hlaut Barnamenningarverðlaun 2009 fyrir ómetanlegt starf í þágu ungmenna og 3,5 milljóna króna styrk til að efla tónlistardeild Fjölsmiðjunnar.
2008
Jóhanna Sigurðardóttir
Félagsmálaráðherra, fékk Barnamenningarverðlaunin 2008 fyrir framlag sitt til barnafjölskyldna á Íslandi.
2007
Margrét Pála Ólafsdóttir
Skólastjóri og höfundur Hjallastefnunnar, hlaut Barnamenningarverðlaun 2007 og fjárstyrk til að efla starf Hjallastefnunnar.
2006
Njörður P. Njarðvík
Prófessor og rithöfundur, fékk Barnamenningarverðlaun 2006 fyrir ómetanlegt starf til hjálpar munaðarlausum börnum í Afríku. Verðlaununum fylgdu fjórar milljónir króna til frekari uppbyggingar á heimilum fyrir munaðarlaus börn á vegum hugsjónafélagsins SPES.
2005
Þórunn Björnsdóttir
Kórstjóri Barnakórs Kársnesskóla, fékk Barnamenningarverðlaun Velferðarsjóðsins 2005 fyrir framúrskarandi starf í þágu barna. Verðlaununum fylgdi ein milljón króna til að hljóðrita efni sem kórinn hefur frumflutt.
