SJÓÐURINN

VELFERÐ OG HAGSMUNAMÁL BARNA

Velferðarsjóður barna var stofnaður árið 2000 af Íslenskri erfðagreiningu og Heilbrigðis- og tryggingamálaráðuneytinu. Allt stofnfjármagn sjóðsins, rúmur hálfur milljarður, kom frá Íslenskri erfðagreiningu. Markmið sjóðsins er að hlúa að velferð og hagsmunamálum barna á Íslandi, m.a. með fjárframlögum til heilbrigðis-, velferðar- og menntamála. Eins og fram kom á stofnfundi sjóðsins: “Sjóðurinn skal stuðla að því að byggja upp barnvænt samfélag. Annars  vegar með fjárframlögum til verkefna og hins vegar með samhliða átaki sem stuðlar að samfélagsbreytingum”.

Í stjórn Velferðarsjóðs barna sitja Kári Stefánsson, fv. forstjóri Íslenskrar erfðagreiningar, Ingibjörg Pálmadóttir og Kristín Björk Jónsdóttir sem er framkvæmdastjóri sjóðsins.

Fagráð sjóðsins, sem m.a. kemur með tillögur til sjóðsstjórnar um úthlutun styrkja, skipa: Þóra Kristín Ásgeirsdóttir, Grétar H. Gunnarsson, Jóhannes Kr. Kristjánsson, og Inga Dóra Sigfúsdóttir.

Barnamenningarverðlaun Velferðarsjóðs barna

Velferðarsjóðurinn hefur veitt barnamenningarverðlaun frá árinu 2005, til frumkvöðla í starfi með börnum eða framúrskarandi starfi í þágu barna. Hér fyrir neðan eru verðlaunahafar frá upphafi.

2024

Örninn, styrktar- og minningarsjóður, hlaut Barnamenningarverðlaun 2024 fyrir framúrskarandi starf í þágu barna og ungmenna sem hafa misst náinn ástvin. Verðlaununum fylgdi 2 milljóna króna styrkur til að styðja við áframhaldandi starfsemi sjóðsins.

2020

Barnastarf SÁÁ hlaut Barnamenningarverðlaun 2020 fyrir mikilvægt starf í þágu barna sem eiga aðstandendur sem glíma við fíknisjúkdóma. Verðlaununum fylgdi 5 milljóna króna styrkur til að efla sálfræðiþjónustu fyrir börnin.

2019

Kvan hlaut Barnamenningarverðlaun 2019 fyrir námskeiðið Verkfærakistuna, sem er ætlað kennurum og öðru fagfólki sem vinnur með börnum. Verðlaununum fylgdi 11,25 milljóna króna styrkur til að niðurgreiða námskeiðið fyrir 300 þátttakendur

2018

Markús Már Efraím fékk Barnamenningarverðlaun 2018 fyrir ritsmiðjur fyrir börn sem allt að 500 börn hafa sótt. Verðlaununum fylgdi 3,5 milljónir til að starfrækja ókeypis rithöfundaskóla fyrir börn í Gerðubergi. Öll börn máttu skrá sig en börn sem grunnskólarnir töldu að ættu undir högg að sækja voru í forgangi. Markús Már hefur áður fengið eina milljón í styrk til að vera með ritsmiðjur fyrir börn.

2017

Miðstöð foreldra og barna hlaut Barnamenningarverðlaun 2017 fyrir mikilvægt framlag til lífshamingju og fjölskyldna þeirra. Miðstöðin styður foreldra sem eiga við andlega erfiðleika kvíða eða þunglyndi að stríða í aðdraganda og eftir fæðingu barns og eiga erfitt með að tengjast barni sínu. Verðlaununum fylgdi 5 milljóna styrkur til að efla starfsemina.

2016

Þórarinn Tyrfingsson hlaut Barnamenningarverðlaun 2016 fyrir framlag sitt til forvarna og meðferðar á fíknisjúkdómum meðal unglinga á Íslandi og 5 milljóna króna styrk til þess að byrja rannsókn á umfangi og eðli fíkniefnanotkunar unglinga á Íslandi.

2015

Helga Steffensen hlaut Barnamenningarverðlaun Velferðarsjóðs barna fyrir framlag sitt til leiklistar og menningar barna.

2014

Jóhannes Kr. Kristjánsson, blaðamaður, fékk Barnamenningarverðlaun 2014 og 2 milljóna styrk til að ráðstafa í þágu ungmenna sem glíma við fíknivanda.

Helgi Árnason skólastjóri Rimaskóla fékk Barnamenningarverðlaun 2011, fyrir ötult starf í þágu skák­list­ar sem hluta af skóla­starfi og einnar millj­ónar króna styrk sem átti að skiptast jafnt milli skák­starf­semi í Rima­skóla og Skák­skóla Íslands.

2012

Ásgeir Haraldsson, yfirlæknir Barnaspítala Hringsins fékk Barnamenningarverðlaun 2012 fyrir framúrskarandi framlag í þágu velferðar barna og 1.500.000  styrk til verkefna á barnaspítalanum.

2011

Hrefna Haraldsdóttir foreldraráðgjafi hjá Sjónarhóli hlaut barnamenningarverðlaun 2011 og eina milljón í styrk til að nýta í þágu Sjónarhóls.

Stefán Hreiðarsson forstöðumaður Greiningarstöðvar ríkisins hlaut barnamenningarverðlaun 2011 og eina milljón í styrk til að nýta í þágu greiningarstöðvarinnar.

2010

Sveinn Áki Lúðvíks­son, formaður Íþrótta­sam­bands fatlaðra, hlaut Barna­menn­ing­ar­verðlaun 2010 fyr­ir öfl­ugt starf í þágu ung­menna. Verðlaununum fylgdi tveggja millj­óna króna styrkur til að efla enn frek­ar starf­semi ÍF.

2009

Þor­björn Jens­son, for­stöðumaður Fjölsmiðjunn­ar hlaut Barna­menn­ing­ar­verðlaun 2009 fyr­ir ómet­an­legt starf sitt í þágu ung­menna og 3,5 millj­ón­a króna styrk til að efla tón­list­ar­deild Fjölsmiðjunn­ar

2008

Jóhanna Sigurðardóttir félagsmálaráðherra fékk Barnamenningarverðlaunin 2008 fyrir framlag sitt til barnafjölskyldna á Íslandi.

2007

Margrét Pála Ólafsdóttir, skólastjóri og höfundur Hjallastefnunnar, hlaut Barnamenningarverðlaun 2007 og fjárstyrk til að efla starf Hjallastefnunnar.

2006

Njörður P. Njarðvík prófessor og rithöfundur fékk Barna­menn­ing­ar­verðlaun 2006 fyr­ir ómet­an­legt starf til hjálp­ar munaðarlaus­um börn­um í Afr­íku. Verðlaununum fylgdu fjór­ar millj­ón­ir króna, til frek­ari upp­bygg­ing­ar á heim­il­um fyr­ir munaðarlaus börn á veg­um hug­sjóna­fé­lags­ins SPES.

2005

Þór­unn Björns­dótt­ir kór­stjóri Barnakórs Kárs­nesskóla fékk Barna­menn­ing­ar­verðlaun Vel­ferðarsjóðsins 2005 fyr­ir framúrsk­ar­andi starf í þágu barna. Verðlaununum fylgdi ein millj­ón króna, til að hljóðrita efni sem kór­inn hef­ur frum­flutt.

 

Yfir 600.000.000 úthlutað á tíu árum

Velferðarsjóður barna var stofnaður af Íslenskri erfðagreiningu, sem var í fararbroddi með stofnun slíks sjóðs á Íslandi. Á fyrstu tíu starfsárum sjóðsins var úthlutað yfir 600 milljónum króna til fjölbreyttra verkefna í þágu barna.

Þau helstu á árunum 2000-2010:

• Mentorverkefnið Vinátta, en fjöldi þátttakenda í verkefninu eru rúmlega 1000 einstaklingar; um 85 milljónir
• Rjóður, endurhæfingar- og hjúkrunarheimili fyrir langveik börn sem starfrækt er í Kópavogi. Nú dvelja þar 10 börn í senn yfir lengri eða skemmri tíma og er fyrirhugað að sjóðurinn standi að enn frekari uppbyggingu; um 110 milljónir hafa þegar verið lagðar í verkefnið.
• Styrkir til forvarna og fræðslumyndagerða/leiksýninga; um 10 milljónir.
• Kennsluefni, fræðslustarf og ráðstefnur til handa börnum; um 30 milljónir.
• Styrkir til ýmissa framfaramála; um 45 milljónir.
• Sumargjafir til barna sem búa við erfiðar aðstæður, styrkir sem veittir eru í samstarfi við Mæðrastyrksnefnd, Hjálparstarf kirkjunnar og félagsþjónustu 8 sveitarfélaga; um 90 milljónir. Þar með taldir eru styrkir til Foreldra- og styrktarfélags Öskjuhlíðarskóla og ferðastyrkir til félagasamtaka sem fagráð Velferðarsjóðs barna hefur haft umsjón með.
• Samningur við Félag lesblindra upp á styrkveitingu; samtals kr. 5 milljónir .
• ABC í Líberíu, til uppbyggingar á skóla og heimavist samtals kr. 24.000.000.
• Börn í Togo, styrkur að upphæð kr. 4.000.000.
• Dyngjan, áfangaheimili fyrir konur sem eru að koma úr meðferð, samtals  kr. 3.000.000.
• Sérúrræði fyrir börn með tilfinninga- og hegðunarvanda kr. 16.000.000.
• Um 85 milljónir kr. til ýmmissa verkefna í þágu barna, smáir og stærri styrkir.
• Úr sjóðnum er úthlutað 6-8 sinnum á ári.